Nag-abli og dakong oportunidad sa pamatigayon, teknolohiya, ug agrikultura sa Pilipinas sa mga dagkong ekonomiya sa tibuok kalibutan. Kining tanan mas gipalig-on pinaagi sa gipahigayon nga bilateral meeting tali ni Presidente Ferdinand Marcos Jr. ug Indian Prime Minister Narendra Modi, uban sa iyang pagtambong sa BRICS Summit isip kasamtangang ASEAN Chair karong tuiga.
Kauban ang iyang mga ehekutibo nga sila DFA Secretary Maria Theresa Lazaro, DICT Secretary Henry Aguda, ug Finance Secretary Frederick Go, gituki sa Presidente ang nag-unang imprastraktura ug climate resilience nga maghatag og dakong bentaha sa nasud pinaagi sa pag-abot sa pikas katunga sa populasyon sa kalibutan nga sakop sa maong komunidad.
Kining halapad nga lakang gihimo aron opisyal nga i-follow up ang mikantidad sa $5.8 bilyon nga investment pledges gikan sa mga negosyanteng Indian nga gipadayag niadtong Agosto 2025. Sumala ni DFA Assistant Secretary Analiza Ratonel, gawas sa pagpakig-istorya sa mga lider sa negosyo sa India alang sa mga sektor sa panglawas ug enerhiya, lakang usab kini aron mapakusog ang Trade Diversification ug Economic Cooperation sa tibuok rehiyon. Ang pagpalambo sa maong relasyon tali sa ASEAN ug BRICS usa ka importanteng tulay aron masiguro ang dugang trabaho ug kalambuan sa ekonomiya sa Pilipinas
Photo Courtesy:PCO
