Gitinguha sa retiradong Pinoy boxing champion nga si Manny Pacquiao nga makigsangka sa usa ka exhibition fight batok sa Amerikanong boksingero nga si Shakur Stevenson. Sumala sa kampo sa kanhi kampeon sa walo ka weight division, giplanohan ug gipaningkamotan nga matuman ang maong away sa katapusang bahin karong tuiga 2026.
Gipili ni Pacquiao ang 29-anyos nga si Stevenson human nga wala na madayon ang dugay nang giplanong rematch niini batok sa iyang kanhi kaaway nga si Floyd Mayweather Jr. Giila ang kaatbang nga Amerikanong boksingero tungod kay naghupot kini og impresibong rekord nga 25 ka kadaugan nga walay kapildihan—diin 11 niini pinaagi sa knockout—ug kasamtangang nalakip sa top five pound-for-pound boxers sa tibuok kalibutan.
Dugang pa niini, bag-o lang usab nakuha ni Stevenson ang WBO junior welterweight title human niya gipilde si Teofimo Lopez didto sa New York, gawas pa sa iyang pagkahimong silver medalist sa 2016 Rio Olympics. Samtang, ang pambansang kamao sa Pilipinas nga si Pacquiao naghupot sa iyang makasaysayanong rekord nga 62 ka daog, walo ka pilde, tulo ka draw, ug 39 ka knockout
Photo Courtesy:Instagram
