Gipahimangnoan sa Misamis Oriental Provincial Disaster Risk Reduction and Management Office o PDRRMO ang mga adunay respiratory problem nga mag-amping tungod sa nagpadayong epekto sa haze sulod ug gawas sa lalawigan.
Matud ni PDRRMO Head Fernando Sot-Sot Dy, delikado ang haze ilabi na sa mga adunay problema sa pagginhawa. Busa, giawhag ang publiko nga kanunay magsul-ob og facemask, ilabi na kung mogawas sa tagsa-tagsa ka pinuy-anan.
Gipahinumdoman usab ang mga residente nga likayan ang dugay nga pagpabilin sa gawas ug magmonitor sa mga advisory sa mga otoridad alang sa kaluwasan.
Photo courtesy: Misamis Oriental-PROVINCIAL Disaster RISK Reduction & Management Office
