Malaumon ang nga driver-operators nga mga miyembro sa Igpit Liners, ilawom sa Pontransco nga mahatagan og positibong lakang ang ilahang hangyo nga makasulod na og balik sa Carmen Public Market, dakbayan sa Cagayan de Oro.
Pagpasabot ni Albert Helia, tigpamaba sa grupo nga sukad subling napatuman ang ordinansa sa bag-ong ruta sa mga pampublikong transportasyon, niminus ang ilahang kinitaan tungod gikan Igpit-Opol, sa Banga, Bulua nalang sila taman ug dili na makasulod sa Carmen.
Saysay pa ni Helia nga tuod labing apektado silang mga driver-operator apan lakip nga nag-antos sab niini nga ruta ang ilahang mga pasahero nga sagad mga estudyante ug trabahante tungod kinihanglan pa nga mag-double o triple ride aron lang makaabot sa ilahang destinasyon.
Tungod niini nga kahimtang, ilahang gihangyo ang lokal nga panggamhanan sa syudad nga makonsidera ang ilahang sugyot nga makasulod balik sa Carmen Public Market sa pagpaniguro nga dili sila makadugang sa huot nga dagan sa trapiko.
Photo courtesy: Alamy
