Giaprobahan sa Sangguniang Panlungsod sa Cagayan de Oro ang Proposed Ordinance 2026-395, nga nagtumong sa pag-institutionalize sa pagtukod og City-Wide Health System, lakip ang mga management support systems, subay sa Republic Act 11223 o Universal Health Care Act.
Gi-sponsor ni Councilor Paolo Nicolo Gaane ang ordinansa, nga nagtumong sa pagpalig-on sa koneksyon sa health care system gikan sa mga barangay padulong sa mga health facility, dagkong ospital sa siyudad ug uban pang health services.
Matod ni Gaane, dakong tabang ang ordinansa aron mahimong mas coordinated, responsive ug sustainable ang sistema sa panglawas sa Cagayan de Oro. Gilauman nga pinaagi niini, mas mapalambo ang paghatag og serbisyo panglawas ug mas dali nga makatagamtam og maayong healthcare services ang mga Kagay-anon. Nakakuha og suporta ang ordinansa ug nakapasar sa pinal nga pagbasa.
Photo courtesy: Cagayan de Oro City Council
