Giawhag ang mga bata nga dili dayon maglabay sa mga butang nga mahimo pa og magamit, kondili i-recycle ug hatagan og bag-ong gamit.
Usa niini ang gihimo sa McDonald’s Philippines pinaagi sa ilang ReClassified program. Ang mga daan nang bangko, lamisa ug uban pang muwebles sa ilang mga tindahan, gipahimo pag-usab aron magamit sa mga pampublikong tunghaan.
Matud ni Education Secretary Sonny Angara, maayong ehemplo kini sa usa ka sustainable nga programa kay gitudloan niini ang komunidad, ilabina ang mga bata, nga daghan pa og mapuslanon nga mahimo sa mga butang nga kasagarang ilabay.
Mahinumdoman nga nanguna si Secretary Angara sa pagsaulog sa National Teachers’ Month 2026 sa Limketkai Atrium, nga gitambongan sa mga magtutudlo gikan sa nagkadaiyang bahin sa Mindanao.
Photo courtesy: McDonalds
