Gipakita sa mga batang Pinoy karate-kas ang ilang talagsaong abilidad atol sa 3rd Asian Karate Youth Open Championship and Training Camp sa Hangzhou, China niadtong Hulyo 2026.
Lakip sa mga nakahatag og dungog sa nasod si 9-anyos Romeo Viktor Enriquez, nga nakakuha og gold medal ug nakasulod sa Top 5 sa Under-10 Male Kata category. Si 13-anyos Raphael Mariano Herrera nakadaog og iyang ikaduhang sunod nga bronze medal sa Under-14 Male Kata.
Samtang, si Ripley Borromeo nakasulod sa Top 5 sa Under-12 Female Kata ug Top 7 sa Under-12 Female Kumite. Ang ilang kalampusan nagpakita sa talento, disiplina, pagkamalahutayon ug determinasyon sa kabatan-onang Pilipino sa internasyonal nga entablado.
Photo Courtesy:PNA
