Gihatagan na og Environmental Compliance Certificate (ECC) sa DENR Region 10 ang Phase 4 sa Level 3 Water System Project sa Malaybalay City niadtong Agosto 25, 2026
Gibutyag ni City Mayor Jay Warren Pabillaran nga nagtugot kini sa kontraktor nga masugdan na ang pagpanukod sa maong pasilidad sa tubig alang sa habagatang bahin sa dakbayan, lakip na ang Barangay Imbayao ug Kulasihan.
Gibanabana nga moabot sa 4 ka milyon ka litro sa tubig kada adlaw ang maapod-apod pinaagi sa tukoron nga mga bag-ong water reservoir, pipelines, intake box, ug booster pumps, samtang naggama na usab ang lokal nga kagamhanan ug CEEDMO og Feasibility Study alang sa hapsay nga pagdumala ug pagsumpay sa linya sa tubig ngadto sa mga panimalay
Apan tungod kay ang tuburan sa tubig gikan man sa gipanalipdang headwaters sa Mount Kitanglad Range Natural Park sa dapit sa Kibalabag, gipahimug-atan sa DENR ug sa lokal nga panggamhanan ang kaimportante sa pagpadayon sa mga tree-planting activities ug hugot nga pagpanalipod sa kalikopan aron masiguro nga magpabiling limpyo ug abunda ang suplay sa tubig alang sa umaabot nga henerasyon
Photo Courtesy: Mayor Jay Pabillaran
