Usa ka babaye sa Greece ang nakadesisyon nga makigbulag sa iyang bana, human niya gamiton ang ChatGPT sa paghubad sa mga porma nga nahabiling pulbos sa kape sa ilang tasa.
Kabahin kini sa tradisyonal nga paagi sa pagbasa sa pinong sagol sa kape, diin lain-laing pagpasabot ang gihatag sa mga porma nga makita human mahurot ang ilimnong kape.
Apan sa dihang gipapasusi kini sa babaye sa ChatGPT, giingong migawas sa interpretasyon nga adunay laing babaye ang iyang bana ug ang ngalan niini kuno nagsugod sa letrang “E”.
Wala kini tuohi sa iyang bana ug giisip lamang nga walay lig-ong basehan ang maong interpretasyon. Bisan pa niini, seryosohon kuno sa babaye ang iyang nakita ug nadungog gikan sa AI. Sa ulahi, iyang gipahawa ang bana sa ilang panimalay ug gisugdan ang proseso sa divorce.
Nahimong hisgutan ang maong istorya tungod sa talagsaong paagi sa pagdesisyon, apan pahinumdom usab kini nga ang AI dili mananagna ug ang mga interpretasyon niini dili mahimong pamatuod sa usa ka relasyon o akusasyon sa pagpanapaw.
Photo Courtesy: kwnto
