Aminado karon ang Police Regional Office 10 nga adunay kausaban sa performance sa kapulisan sa dihang gipatuman pag-usab ang regular nga 8-hours duty kay sa kani-adto nga 24hours.
Gipahayag ni PRO-10, Spokeperson Joann Navarro, nga daw gaka luya ang tao hilabi na sa pulis kung 24hours ang duty gumikan kay walay tarong sa pahulay ug walay saktong pagkatulog.
Sa milabayng bulan, giduso matud pa ang hangyo ni kanhi PRO-10, Regional Director Brig. Gen. Christopher Abrahano ang pag-usab sa sistema nga 24hours duty ngadto sa PNP Camp Crame kung asa kini giuyonan ug napatuman.
Apan giklaro ni Navarro nga wala mausab ang Police Visibility sa mga crowded area o ngadto sa mga lugar nga busy kanunay sa matag adlaw. Gane mas na maximize ang Police Visibility sama sa Mobile Patroling gumikan kay permi nang nakaduty ang mga pulis human sa saktong pagpahulay.
Photo courtesy: PNP Police Regional Office 10
