Nakahimo og kasaysayan ang award-winning nga theater actress ug Broadway legend nga si Lea Salonga, human siya gipili isip unang Pilipino nga nakadawat og satar sa Hollywood Walk of Fame.
Ang mga litrato nga gipaambit sa Hollywood Walk of Fame sa Instagram niadtong Septiyembre 4, 2026, nagpakita kang Lea nga opisyal nga midawat sa ika-2,855 nga bituon didto sa Hollywood Pantages Theatre sa Los Angeles, California.
Sumala kanila, nakuha ni Lea kini nga dungog tungod sa iyang pagdala sa karakter nga “Kim” sa iladong stage musical nga “Miss Saigon” ug tungod sa pagkahimong unang Asian nga nakadaog og Tony Award.
Samtang gi-kumpirma ni Lea Salonga sa publiko niadtong Enero 2026 nga dugay na silang bulag sa iyang bana nga si Robert Chien matapos ang kapin 20 ka tuig nga kaminyoon. Hapsay ug maayo ang ilang relasyon isip mag-ex. Matod pa ni Lea, malipayon siya kay malipayon na ang iyang ex-bana sa bag-ong kapikas niini, ug nagtinabangay gihapon sila sa pagpadako sa ilang anak.
Photo Courtesy: Duoi
