Narekober sa kapulisan ang mga smuggled sigarilyo nga walay tukmang dokumento atol sa checkpoint operation nga gipahigayon sa Sitio Maguboc, Brgy. Poblacion, lungsod sa Kalawit, Zamboanga del Norte Biyernes, Septiyembre 5, 2026.
Atol sa operasyon, usa ka wala mailhing lalaki nga nagmaneho og motorsiklo nga walay plaka ang nakit-ang nagpadulong sa checkpoint. Sa dihang nakabantay siya sa presensya sa mga personahe sa checkpoint, mihinay ang iyang dagan ug nagduha-duha sa pag-agi, dayon kalit siyang mibalik ug nagmaneho paingon sa kaatbang nga direksyon padulong sa Munisipalidad sa Titay.
Gigukod sa mga personahe sa checkpoint ang maong lalaki, ug samtang nagpadayon ang paggukod, nakita nga gilabay niini ang usa ka butang daplin sa dalan. Bisan pa sa padayon nga paggukod sa mga awtoridad, nakahimo gihapon sa pag-ikyas ang maong indibidwal.
Sa dihang gisusi ang butang nga gilabay sa maong lalaki, nadiskubrehan ang napulog-tulo (13) ka ream sa Cannon Menthol nga sigarilyo nga adunay gibanabanang kantidad sa merkado nga Php23,400.00 base sa standard nga presyo sa BOC.
