Gibutyag sa Department of Education Regional Office X nga wala pa gihapon mabawi ang mga learning gaps sa mga kabataan tungod sa pandemya nga nasinati sa nasud sa nakalabay nga katuigan.
Tungod niini, saysay ni Dr Richard Dragon, Chief Education Supervisor nga padayon ang pananingkamot sa kagawaran aron nga matubag kini nga problema sa pagkat-on sa mga kabataan.
Labi pa nga dili ingon ana ka competitive ang mga kabataan sa hisgutanang literasiya. Gane, matud pa ni Dr Dragon nga aduna pay mga estudyante nga dili pa ka-antigo mubasa bisan anaa na sa taas nga grado nga dakong problema kung muabot na sa kolehiyo. Kung kabalo man galing mubasa, problema sab ang comprehension o pagsabot sa ginabasa.
Dugang niya nga daghan na nga mga programa sama sa Aral Program ang ginapatuman sa Deped nga ginapundhuhan og milyones sa gobyerno aron lang mapataas ang kahibalo sa mga magtutungha.
Photo courtesy:PNA
