Nasikop ang usa ka 64-anyos nga mag-uuma nga wanted sukad pa niadtong 2014 human maaresto sa manhunt operation sa Barangay Lower Glad, Midsayap, Cotabato niadtong Septyembre 4, 2026.
Ang suspek nga giila sa alyas “Leonar” adunay warrant of arrest tungod sa kasong Physical Injuries in relation to Republic Act 9262 o Anti-VAWC Act, nga gi-isyu sa korte sa Nueva Ecija niadtong Nobyembre 9, 2014.
Nadakpan ang maong suspek alas-12:20 sa udto pinaagi sa LOI Manhunt “Charlie” Operation sa Midsayap Municipal Police Station Tracker Team, uban ang PIU-CPPO ug Cuyapo Municipal Police Station sa Nueva Ecija. Human sa pagdakop, iturn-over siya sa Cuyapo MPS alang sa hustong disposisyon ug pagpatuman sa warrant.
