Gihinumdom sa American physician ug content creator nga si Doctor Mike Varshavski ang iyang kanhing relasyon kang Miss Universe 2015 Pia Wurtzbach.
Atol sa podcast conversation uban sa Filipino-Canadian content creator nga si Nurse John Dela Cruz, gipaambit ni Doctor Mike nga naka-date niya si Pia sa panahon nga aktibo kini sa iyang Miss Universe career.
Nagsugod ang ilang pagkaila atol sa New York Fashion Week niadtong 2016 ug sa ulahi nahimong managhigala ug gym buddies, hangtod gikumpirma nila ang ilang relasyon.
Matud ni Doctor Mike, pinaagi sa iyang relasyon kang Pia, mas nasinati ug nasabtan niya ang kultura sa mga Pilipino. Wala gipahibalo sa duha ang hinungdan sa ilang panagbulag, samtang minyo na karon si Pia sa Scottish entrepreneur nga si Jeremy Jauncey.
Photo Courtesy: PEP.ph
