Gipamulta sa NBA ang Los Angeles Clippers human nakit-an nga nakalapas kini sa salary cap rules nga may kalabotan sa ilang star player nga si Kawhi Leonard.
Gipahamtangan og mokabat sa 30 milyon ka dolyar ug gihukman nga mawad-an og lima ka first-round draft picks gikan 2029 hangtod 2033 ang Los Angeles Clippers. Sumala sa NBA, gitabangan sa Clippers si Leonard sa paglikay sa salary cap rules pinaagi sa mga sponsorship ug endorsement deal sa pipila ka corporate sponsors sa team.
Gisuspenso usab og usa ka tuig ang team owner nga si Steve Ballmer, samtang adunay suspensyon usab sa pipila ka opisyal sa organisasyon. Si Leonard gipamulta og 700 mil ka dolyar. Gipanghimakak sa Clippers ang mga findings sa NBA ug miingon nga ilang supakon ang silot pinaagi sa hustong legal nga proseso.
Samtang, miingon si Leonard nga wala siya masayod nga adunay tuyo sa mga kasabotan nga malapas ang salary cap rules ug gidawat niya ang responsibilidad sa mga sayop sa iyang mga representante.
Photo Courtesy:GV Wire
