Nadiskubrehan sa mga astronomer ang usa ka higanteng 10-sided atmospheric wave o “decagon” nga naglibot sa south pole sa planetang Saturn. Pinaagi sa mga obserbasyon sa NASA Hubble Space Telescope, nakita nga ang maong porma nagsugod og klaro sukad 2023 ug padayon pang nag-usab hangtod karon.
Sumala sa NASA, kini ang unang higayon nga nakit-an ang dako ug regular nga polygon-shaped pattern sa southern hemisphere sa Saturn. Lahi kini sa bantugang six-sided hexagon sa north pole sa planeta nga unang nakita sa Voyager missions niadtong 1980s ug nagpabiling lig-on sulod sa daghang dekada.
Padayon karong gitun-an sa mga siyentista ang decagon aron mas masabtan kung giunsa pagporma sa kusog nga atmospheric jet streams sa Saturn ang talagsaong geometric weather patterns.
Photo Courtesy: USA Today
