Nakaabot na sa 90 porsyento ang pagpangandam sa Commission on Elections o Comelec Region 10 alang sa Barangay ug Sangguniang Kabataan Elections o BSKE 2026.
Matud ni Comelec Regional Director Atty. Renato A. Magbutay, anaa na sila sa finishing touches sa pagpangandam alang sa umaabot nga eleksyon, lakip ang mga kinahanglanon aron masiguro ang hapsay nga pagpahigayon sa piniliay.
Apan gipasabot ni Magbutay nga magdepende gihapon ang dagan sa 2026 BSKE sa Kongreso, nga adunay gahom sa pagdesisyon kung ipadayon ba o ioktaba ang eleksyon.
Apil usab sa mahimong maapektuhan ang termino sa mga kasamtangang barangay officials, ilabina kung hatagan sila og extension depende sa mahimong aksyon sa Kongreso.
Bisan pa niini, padayon ang Comelec Region 10 sa ilang pagpangandam aron andam ang mga sistema ug election requirements kung madayon ang eleksyon sa gitakdang panahon.
Photo courtesy: COMELEC X
