Gitan-aw sa lokal nga pangagamhanan sa Cagayan de Oro ang mga bag-ong traffic schemes aron masulbad ang nagkadugang nga problema sa trapiko sa dakbayan.
Matud ni Mayor Klarex Uy, usa sa dagkong hagit nga limitado na ang mga dalan sa CDO ug dili sayon ang pagpalapad niini.
Rason nga nagmugna og plano ang City Planning aron ang mga bag-ong komersyal nga development dili na magtapok sa sentrong bahin sa dakbayan, kundili ipakatag usab sa ubang lugar.
Tumong niini nga mapaminusan ang kadaghan sa mga sakyanan nga mosulod sa sentro ug mapahapsay ang dagan sa trapiko.
Matud pa sa mayor, lahi na ang kahimtang karon kay ang sakyanan dili na lang pang-garbo sama kaniadto, kundili importante na nga panginahanglan sa daghang mga tawo sa ilang adlaw-adlaw nga panginabuhi.
Photo courtesy: CDO Lifestyle
