Mas gipakusog na sa Philippine National Police (PNP) ang ilang presensya sa mga lugar nga daghang tawo sukad sa pagsugod sa mga ‘Ber’ months. Sumala kang PNP Chief Police General Jose Melencio Nartatez Jr., iyang gimandoan ang tanang regional ug city police units nga palig-onon ang police visibility, pagpatrolya, ug pagbantay sa mga establisemento.
Apil usab sa ilang hugot nga pagbantay ang mga terminal sa transportasyon ug uban pang pampublikong lugar nga kasagarang adtoon sa mga tawo.
Gilauman nga niining mga bulana, mugara usab ang mga kawatan nga mangitag higayon sa pagpahimulos sa mga lugar nga kasagarang daghang bisita ug mamalitay.
Gipasabot usab sa PNP Chief nga tibuok tuig nagbantay ang mga kapulisan aron maseguro ang kaluwasan ug seguridad sa publiko.
Photo courtesy:Philippine News Agency
