Gihulat pa gihapon sa Commission on Elections (COMELEC) ang desisyon alang sa pagpahigayon sa Barangay ug Sangguniang Kabataan Elections (BSKE) karong tuiga.
Matud ni Comelec Chairman George Erwin Garcia gipadali niya ang Kongreso sa pagdesisyon karong Septiyembre kon ipadayon ba i-postpone ang eleksyon.
Segun ni Garcia, kapin sa katunga na sa P19-billion nga budget alang sa BSKE ang nagasto na sa mga kagamitan ug logistics ug dili matud pa niya gusto nga masayang ang pondo kon i-postpone ang BSKE.
Gisugyot ni Garcia, nga kon adunay postponement kinahanglan dili kini molapas sa Hunyo sa sunod tuig aron adunay igong panahon ang COMELEC sa pagpangandam alang sa 2028 presidential elections.
Sa pagkakaron, nagpadayon pa ang debate sa Kongreso, samtang naghulat ang publiko kung ipadayon ba o i-postpone na usab ang umaabot nga BSKE.
Photo Courtesy: Philippine News Agency
