Pormal nang gihulipan ni Doy Ramiro si Engr. Nonito Oclarit isip Department Head sa Roads and Traffic Administration o RTA sa Cagayan de Oro City, sugod Setyembre 1, 2026.
Gikompirma kini ni City Mayor Klarex Uy atol sa Espesyal nga People’s Day alang sa mga solo parent nga gipahigayon sa Tourism Hall sa City Hall. Matud sa mayor, gi-relieve si Engr. Oclarit gikan sa RTA aron makahatag siya og mas dakong pagtagad sa pagdumala sa City Local Environment and Natural Resources Office o CLENRO, ilabina sa kampanya batok sa smoke-belching.
Samtang, kaabag ni Ramiro sa pagdumala ug pagpauswag sa dagan sa trapiko sa dakbayan si Retired Police Major Sebastian Chua.
Photo courtesy: Roads and Traffic Administration
