Gihangyo sa Department of Education Regiona X ang mga ginikanan, komunidad ug nagkadaiyang ahensya sa gobyerno nga suportahan ang ipahigayon nga National Simultaneous School Safety Drill on Active Threat karon adlawa human kini nga napostposned sa nilabayng semana.
Sumala pa ni Dr Richard Dragon, Chief Education Supervisor sa Department of Education Region X, gikonsidera sa kagawaran ang mga kabalaka ug concerns sa mga eksperto busa ang ipahigayon karon nga safety drill hugot nga gidili ang paggamit sa mga elemento nga mahimong makapahadlok o makapatrauma sa mga estudyante.
Buot pasabot, walay gamitong mga pusil o mga hait nga ginagiban atol sa drill ug igo lamang magpatingog og alarm ang eskwelahan. Dugang ni Dr Dragon, tudluan ang mga bata sa mga posibleng buhatan kung adunay hulga sulod sa tunghaan aron nga maprotektahan ang ilahang kaugalingon.
Dili lang sab kini pagbansay sa mga estudyante apan lakip na sa mga magtutudlo nga kanunayng kauban sa mga bata diha sa ilahang pagtungha ug katungdaan ang protektahan sila sa tanang higayon.
Photo courtesy: Department of Education Region X
