Gihatagan og klaripikasyon sa Provincial Government sa Misamis Oriental ang kabahin sa mga pangutana ug alegasyon nga may kalabotan sa serbisyo sa mga provincial hospitals sa lalawigan.
Matud ni Provincial Health Officer Dr. Ma. Bebina T. Casiño, gitumong sa pahayag nga malikayan ang kalibog ug masiguro nga ang publiko makadawat og husto ug klarong impormasyon.
Lakip sa gihatagan og pagtagad ang mga isyu kabahin sa suplay sa tambal, pag-resign sa mga doktor ug nars, ingon man ang suplay sa fuel alang sa mga ambulansya ug patient transport.
Gipasiugda usab ni Dr. Casiño nga prayoridad sa administrasyon ni Governor Juliette T. Uy ang paghatag og kasaligan, accessible ug dekalidad nga serbisyong panglawas alang sa matag Misamisnon.
Sumala sa Provincial Health Office, padayon ang mga reporma, pagpamuhunan ug koordinasyon sa nagkalain-laing ahensya aron mas mapalambo pa ang serbisyo ug pag-atiman sa mga pasyente sa provincial hospitals sa Misamis Oriental.
Photo courtesy: Misamis Oriental Provincial Health Office
