Gihatagan og katin-awan ni Land Transportation Franchising and Regulatory Board Region 10, Regional Director Aljo Bendijo nga ang nakita nga mga units sa GSM Green Taxi sa Cagayan de Oro usa ka dry run lang matud pa alang sa Mapping Operation hangtud Biyernes lamang karong semanaha.
Sa 300 ka unit anaa lang sa 50-ka unit ang gipadagan sa Cagayan de Oro nga hangyo sa GSM operator ngadto sa LTFRB R10. Kahibaloan nga daan na nga gisulti ni Bendijo nga igo lang sa pag drop-off ang mga GSM taxi sa dakbayan ug gibawalan nga mamasahero, apan gumikan sa hangyo sa operator iya kining gipaboran.
Giklaro usab ni Bendijo nga kung anaay langyaw nga operator sa green taxi gikan sa Vietnam, gilaumang sugdan na sa bag-ong duha (2) ka local operator nga magpadagan ug 200 ka unit sa electric vehicle green taxi dinhi sa Cagayan de OroCity og sa Rehiyon 10 sunod nga semana ning kasamtangang bulan.
Dugang pa niya, aduna siyay naka hinabi nga mga local operator sa dakbayan kung asa plano nga ilisan ang ilang mga traditional taxi ngadto sa electric vehicle aron makatipid matud pa sa gasolina ug sa tumong usab nga makunhoran ang polusyon sa rehiyon.
Photo courtesy: Green GSM Philippines
