Naglusad ang Department of Agriculture (DA) og competitive bidding process alang sa pagtukod sa tulo ka cold storage facilities sa mga probinsiya sa Bukidnon, Occidental, Mindoro, ug Sorsogon nga adunay hiniusang project cost nga P750M.
Naglakip kini sa design, build, ug supply project alang sa mga small mega cold storage facilities sa Manolo Fortich Bukidnon nga nagkantidad og P300M; Sablayan, Occidental Mindoro nga nagkantidad og P200M ug Sorsogon City, Sorsogon nga nagkantidad og P250M.
Ang mga pasilidad gitumong aron mamenosan ang postharvest losses o pagkawala sa mga produkto human sa ani, masiguro ang food safety ug kasaligan nga suplay sa mga produktong pang-agrikultura, mapataas ang kita sa mga mag-uuma, ug mapalambo ang productivity.
Gipahibalo sab sa DA nga ang Sablayan cold storage facility magpahigayon sa pre-bid conference sa Septiyembre 7 samtang ang mga proyekto sa Manolo Fortich ug Sorsogon City magpahigayon sa ilang pre-bid conference sa Septiyembre 8.
Photo courtesy: Metro Davao Rising
