Nagpahimangno ang PAGASA sa pag-ulan sa daghang bahin sa Luzon ug western sections sa Visayas tungod sa tulo ka tropical depressions nga nagpalig-on sa southwest monsoon o habagat.
Sumala sa Philippine News Agency, ang weather systems nagdala og occasional ngadto sa heavy rains sa pipila ka lugar. Lakip sa mga lugar nga mahimong maapektuhan ang Metro Manila, CALABARZON, ubang bahin sa Cagayan Valley ug Aurora.
Gipahinumdoman ang mga residente sa mga lugar nga delikado sa baha ug landslide nga magbantay sa mga pahimangno sa lokal nga disaster risk reduction offices.
Gidasig usab ang publiko nga mag-monitor sa official weather bulletins ug likayan ang pagbiyahe kung delikado ang kondisyon sa panahon.
Photo Courtesy: PNA
