Nagpagawas og pastoral warning ang Diocese of Ipil batok sa mga indibidwal nga nagpakaaron-ingnon nga mga pari o religious workers aron mangayo og donasyon.
Ang pahimangno gipagawas human adunay mga report bahin sa mga tawo nga nagrepresentar sa ilang kaugalingon isip mga cleric ug nangayo og pinansyal nga tabang gikan sa publiko.
Gidasig sa Diocese ang mga residente nga mag-amping ug susihon una ang identidad ug awtorisasyon sa bisan kinsa nga mangayo og donasyon alang sa relihiyosong katuyoan.
Gipahinumdoman usab ang mga magtutuo nga ang mga kahina-hinalang pangayo og kwarta mahimong i-report ngadto sa hustong awtoridad o direkta sa Diocese of Ipil.
Tumong sa pahimangno nga mapanalipdan ang mga residente batok sa posibleng pagpangilad ug mapreserbar ang pagsalig sa mga lehitimong programa ug kalihokan sa simbahan.
