Kumpirmado na ang pag-apil sa Pinay tennis star nga si Alex Eala sa umalabot nga 2026 Asian Games nga himoon sa Nagoya, Japan, bisan pa sa iyang hugot nga iskedyul ug mga kontrata sa Women’s Tennis Association o WTA.
Sumala ni Philippine Tennis Association o PHILTA Secretary General ug Navotas City Mayor John Rey Tiangco, adunay duha pa ka dagkong tournament nga apilan ni Eala sa dili pa siya molupad paingon sa Japan alang sa maong regional competition.
Apil sa iyang apilan ang prestihiyosong US Open, nga sundan dayon sa Singapore Tennis Open, usa ka WTA 500 event nga himoon gikan Setyembre 21 hangtod 27.
Bisan pa nga motakdo ang Asian Games sa duha pa ka importanteng WTA 1000 tournaments, ang China Open ug Wuhan Open, gipasalig sa kampo ni Eala nga prayoridad gihapon niya ang pagserbisyo ug pagdala og dungog sa nasod
Photo Courtesy: Alex Eala Supporters
