Gikumpirma nga labing menos 103 ka tawo ang patay, samtang gatusan pa ang wala makit-i human sa kusog nga baha ug landslide nga miigo sa utlanan sa Nepal ug Tibet.
Sa Nepal, 100 ang kumpirmadong namatay, samtang sa Tibet, 3 ang patay ug 265 ang wala pa makit-i human sa mudslide.
Kapin 403 ka turista, lakip ang 341 ka mga langyaw, ang wala pa usab makit-i pipila ka oras human sa kalamidad. Gibanlas sa kusog nga baha ug lapok ang mga balay, merkado ug sakyanan, samtang padayon ang pagpangita sa mga survivor ug pagbalhin sa mga pamilya gikan sa mga lugar nga delikado sa dugang pagbaha.
Gipakusgan usab sa mga awtoridad ug humanitarian groups ang rescue ug emergency response alang sa mga apektadong komunidad.
Photo Courtesy:The Star
