Nagpahigayon og orientation ang Municipal Health Office sa Cateel alang sa mga barangay-designated spraymen isip pagpangandam sa umaabot nga misting activity nga gitumong sa pagpugong ug pagkontrol sa pagkaylap sa dengue.
Atol sa maong kalihokan, gipasiugda sa MHO ang kahinungdanon sa hustong paggamit sa mga kagamitan, pagsul-ob sa angay nga personal protective equipment (PPE), ug hugot nga pagsunod sa mga safety protocol aron masiguro ang kaluwasan sa mga spraymen sa tibuok panahon sa pagpatuman sa misting activity.
Gitinguha usab nga importante ang pagsunod sa saktong pamaagi sa pag-misting ug pagpatuman sa epektibong dengue vector control measures aron matabangan ang pagpugong sa pagdaghan sa mga lamok nga nagdala sa sakit nga dengue.
Gani, pinaagi sa nindot ug maayong koordinasyon tali sa Municipal Health Office ug sa mga barangay, gilauman nga mas mapalig-on pa ang mga lakang batok sa dengue ug mapanalipdan ang kahimsog ug kaluwasan sa mga residente sa munisipyo sa Cateel.
Photo courtesy: MHO Cateel
