Gipahigayon karong adlawa, Oktubre 9, 2026, ang blessing ug inauguration sa bag-ong Capitol Building nga nahimutang sa Capitol Grounds, Barangay Central, Mati City, Davao Oriental.
Ang maong kalihokan nagtimaan sa usa ka mahinungdanong lakang sa padayong pag-uswag sa probinsya, ilabina sa pagpalig-on sa pagpangulo ug pagpauswag sa serbisyo publiko alang sa katawhan.
Gilauman sa probinsyal nga pangagamhanan nga ang bag-ong Capitol Building mahimong simbolo sa panaghiusa, dedikasyon, ug lig-on nga pasalig sa paghatag og mas episyente ug dekalidad nga serbisyo ngadto sa tanang katawhan sa Davao Oriental.
Pinaagi niini, gilauman nga mas mapalambo ang koordinasyon sa nagkadaiyang buhatan sa probinsya.
