Aron mas mapalambo ang serbisyo sa lokal nga panggamhanan, nagtinabangay ang People’s Administration ug DILG Mati sa pagrepaso sa Citizen-Driven Priority Action Plan (CPAP), base sa resulta sa 2024 Citizen Satisfaction Index System (CSIS) survey nga nagpakita sa lebel sa katagbawan sa mga residente sa mga serbisyo sa LGU.
Gipahigayon ang maong survey sa mga faculty member sa Davao Oriental State University (DOrSU) isip Local Resource Institute (LRI), nga nagtimbang sa katagbawan sa mga Matinian sa edukasyon, ekonomiya, imprastraktura, serbisyong sosyal ug panglawas, pagdumala sa kalikupan, ug maayong panggobyerno.
Pinaagi sa mga resulta, giila nila Mayor Joel Mayo Almario ug CLGOO Atty. Louie Limbaro ang mga sektor nga nagkinahanglan pa og dugang pagtagad ug konkretong aksyon.
Photo courtesy: LGU Mati
