Giaresto sa mga otoridad ang usa ka lalaki atol sa gilusad nga search warrant operation didto sa Barangay San Miguel, Cateel, Davao Oriental niadtong milabay nga adlaw.
Ang operasyon gihimo sa mga personahe sa Cateel Municipal Police Station, kauban ang PDEU DOPPO ug lain pang mga operatiba nga miresulta sa pagkasikop ni alyas “Ludy”, 46 anyos, minyo, vendor ug lumolopyo sa maong lugar.
Atol sa operasyon nakuha gikan sa suspetsado ang usa ka unit sa gituohang Caliber .38 revolver nga adunay sulod nga bala. Human sa pagdakop gipasabot siya sa iyang mga katungod pinaagi sa pinulongan nga iyang nasabtan ug nahibal-an.
Sa pagkakaron ang dinakpan anaa na sa kustodiya sa Cateel Municipal Police Station alang sa hustong disposisyon ug mag atubang sa kasong paglapas sa RA 10591 kun Comprehensive Firearms and Ammunition Regulation Act.
Photo courtesy: Cateel MPS
