Gihangyo ni Pope Leo ang gibana-bana nga 150 ka obispo gikan sa nagkalain-laing bahin sa kalibutan nga mangita og “bag-ong pamaagi” sa pagtabang sa modernong pamilya sa pagsugod sa usa ka semana nga tigum sa Vatican, nga pinakadakong panagtigum sa mga lider sa Simbahan ubos sa iyang pagdumala.
Ang asembliya, nga molungtad hangtod sa Oktubre 14 aron tukion ang pagtulun-an sa Simbahang Katoliko bahin sa kinabuhi sa pamilya, gilauman usab nga maghisgot sa mga kontrobersyal nga isyu sama sa pagtratar sa Simbahan sa mga miyembrong LGBT ug sa mga diborsyado ug naminyo pag-usab, bisan pa man kung kini wala pormal nga nakabutang sa agenda.
Gipatawag sa Santo Papa ang tigum, diin gihinganlan usab sa mga presidente sa Catholic bishops conferences sa tibuok kalibutan, aron sa paghandom sa ika-10 nga anibersaryo sa makasaysayanong dokumento kaniadtong 2016 nga gisulat sa iyang gisundan nga si Pope Francis. Bisan pa man kon wala direktang gihisgutan ni Leo ang isyu sa iyang pamahayag niadtong Miyerkules, giingon niya nga ang Simbahan kinahanglan moila “sa buhat sa grasya bisan pa sa mga sitwasyon nga adunay limitasyon, samad ug daw kapakyasan.”
Miapil usab sa asembliya ang mga obispo gikan sa kapin 115 ka nasud, lakip na ang duha gikan sa China nga nakab-ot ang usa ka kontrobersyal nga kasabutan kaniadtong 2018 uban kang Francis nga nag-normalize sa pagtudlo sa mga obispong Katoliko sa nasud human sa pila ka dekada nga tensyon. Apil usab sa mitambong ang 11 ka lay Catholic couples nga gilauman maghatag og pagpamatuod bahin sa ilang kinabuhi.
Photo courtesy: Agence France-Presse
