Giklaro sa Department of Energy (DOE) karon nga dili maapektuhan ang suplay sa lana sa tibuok nasod sa gipahibalo nga export ban sa China.
Matod ni Energy Secretary Sharon Garin, ang lakang sa China nagtumong sa pagpahigayon og pagtipig sa ilang kaugalingong suplay, tungod kay daghan sa ilang mga reserba ang nahurot na kaniadto.
Gipasabot usab ni Garin nga nakahimo na ang DOE og pagsusi sa mga nag-operate nga oil companies sa nasud, ug nakumpirma nga walay dakong epekto ang lakang sa China sa atong suplay.
Lig-on ang atong posisyon tungod kay ang mga kompanya sa lana adunay mga long-term contracts nga hugot nga gisunod ug gipatuman, dugang pa niya.
Nahinumdoman nga gipahibalo sa China nga dili na sila magpadala o mag-eksport sa ilang lana ngadto sa ubang mga nasud. Gihimo kini aron masiguro ang ilang kaugalingong suplay ug pagkontrolar sa presyo, tungod sa gipaabot nga pagtaas sa presyo sa lana sa kalibutan tungod sa nagpadayong kagubot sa Middle east.
Photo Courtesy: The Economic Times
