Giwagtang na sa Department of Agrarian Reform (DAR) ang kapin P57.76 billion nga utang sa mga mag-uuma ubos sa Republic Act 11953 o New Agrarian Emancipation Act.
Kapin 610,000 ka agrarian reform beneficiaries sa tibuok nasud ang sakop sa balaod, diin giwagtang ang wala mabayring principal loan, amortization, interest ug penalties, lakip ang exemption sa estate tax.
Matud sa DAR, tungod sa debt condonation, wala na’y obligasyon ang kwalipikadong benepisyaryo nga bayran ang maong utang, ug hingpit na usab ang ilang pagpanag-iya sa yutang gihatag kanila.
Samtang, ang mga wala maapil sa condonation gihatagan og moratorium sa pagbayad aron magamit una ang ilang pondo sa pagpalambo sa uma ug pagpataas sa produksyon.
Photo Courtesy: PNA
