Gipirmahan sa Department of the Interior and Local Government (DILG) ug Council for the Welfare of Children kun CWC ang usa ka Memorandum of Understanding alang sa mga bata nga nangayo og dinalian nga tabang.
Tumong niini mao ang mapaspasan ang pakigkoordinar ug pag-atiman sa mga referrals alang sa paghatag og child protection cases nga nagkinahanglan og dinaliang pagtagad sa mga pulis ug bombero lakip ang mga medical ug rescue personnel, social welfare, ug uban pa gamit ang Unified 911 ug MAKABATA Helpline 1383.
Lakip niini ang mga report sa Unified 911 nga adunay kalambigitan sa Online Sexual Abuse and Exploitation of Children, Child Sexual Abuse and Exploitation Materials, ug uban pa nga online ug digital safety concerns.
Ubos sa kasabutan, irefer sa 911 ngadto sa CWC ang mga report nga adunay kalambigitan sa maong mga kaso, samtang ang CWC sab ang mohimo og pagsusi ug molihok sa mga kinahanglanon nga mga tabang sa awtoridad sama sa Department of Social Welfare and Development (DSWD), local social welfare offices, Barangay Councils for the Protection of Children (BCPC), ug Philippine National Police – Women and Children Protection Desk (PNP-WCPD).
Kahinumdoman nga nakadawat og 450 nga mga tawag ang Unified 911 niadtong buwan sa Septyembre nunot sa mga report sa pagpangabuso, sexual harassment, maltreatment, pagpanamastas, human trafficking, ug prostituion sa mga bata.
Photo Courtesy: DILG
