Nasikop ang usa ka lalaki sa kapulisan atol sa search operation sa Sitio Pag-utlan, Barangay Tayud, Consolacion, Cebu. Ang operasyon gipahigayon sa mga sakop sa Consolacion Municipal Police Station isip kabahin sa padayong implementasyon sa Oplan Limpyo Lacion.
Nasakmit gikan sa operasyon ang usa ka air rifle, mga bala, pistol magazines, pistol rig, holster, rifle bag ug uban pang may kalabotan nga mga kagamitan.
Matud sa kapulisan, kabahin kini sa ilang paningkamot nga mapahilayo sa mga komunidad ang armas ug uban pang posibleng hulga sa seguridad.
Gipasalamatan usab sa Consolacion MPS ang lokal nga kagamhanan ug mga residente sa ilang padayong kooperasyon ug suporta sa pagmintinar sa kalinaw ug seguridad sa matag barangay.
Samtang ang suspek mag-atubang sa kaso tungod sa paglapas sa Republic Act No. 10591 kun Comprehensive Law on Firearms and Ammunition.
Photo Courtesy: PNP Consolacion Municipal Police Station
