Nasikop ang usa ka 31-anyos nga lalaki nga giila isip Top 10 Most Wanted Persons sa provincial ug municipal level atol sa intelligence-driven operation sa Barangay 7, Tuburan, Cebu.
Gidakop kini sa Tracker Team sa Tuburan Municipal Police Station pinaagi sa warrant of arrest nga gi-isyu sa Regional Trial Court Family Court sa Toledo City, Cebu, tungod sa giingong paglapas sa Article 266-A(2) sa Revised Penal Code. Girekomendar ang ₱120,000 nga piyansa. Sa pagpatuman sa warrant, gipahibalo sa suspek ang iyang mga katungod ug ang matang sa kaso batok kaniya subay sa Miranda Doctrine.
Matud ni Cebu Police Provincial Office Provincial Director PCOL Abubakar Udang Mangelen Jr., magpadayon ang CPPO sa pagpangita ug pagdakop sa mga wanted person pinaagi sa legal ug intelligence-driven nga mga operasyon, ilabina sa mga kaso nga nalambigit sa mga bulnerable nga mga indibidwal.
Ang suspek itugyan sa korte alang sa tukmang legal nga proseso ug pagdumala sa kaso.
Photo Courtesy: PNP Cebu Police Provincial Office
