Nasikop ang usa ka 57-anyos nga giila nga high-value individual (HVI) atol sa buy-bust operation sa Purok Anduhaw, Barangay Looc, Danao City, Cebu.
Gibanabana nga 3.20 gramos sa gituohang shabu nga mokabat og ₱21,760 ang nasakmit human matud pa nahitabo ang transaksyon sa droga. Nasakmit usab ang usa ka heat-sealed plastic sachet nga gituohang gigamit sa transaksyon ug pito pa ka sachet nga adunay gituohang shabu.
Lakip usab sa nakuha ang ₱200 bill nga gigamit isip buy-bust money ug usa ka coin purse nga giingong gigamit nga sudlanan sa gituohang ilegal nga droga.
Gidala ang nadakpan sa Danao City Police Station alang sa detention ug dokumentasyon, samtang ang nasakmit nga mga ebidensiya gisumiter sa Regional Forensic Unit 7 alang sa eksaminasyon.
Photo Courtesy: PNP Cebu Police Provincial Office
