Giduso sa lokal nga kagamhanan sa dakbayan sa Mandaue ang usa ka resolusyon alang sa 27 ka mga barangay, nga nagtumong sa paghatag og financial assistance sa mga pamilya sa emergency responders nga mahimong mamatay samtang anaa sa line of duty, ilabina atol sa rescue ug emergency operations.
Apan matud sa mga emergency responders, mahimo lamang kining awhag kung dili kini suportahan og konkretong pondo pinaagi sa usa ka ordinansa.
Busa giawhag ni Centro Barangay Captain Ignacio Cortes II ang iyang mga kaubang kapitan nga iduso ang paghimo niini nga ordinansa aron adunay klarong alokasyon ug tabang alang sa mga pamilya sa mga responder nga mawad-an og kinabuhi sa pagserbisyo.
Photo Courtesy: LGU MANDAUE
