Gipasidan-an ni South Korean President Lee Jae Myung ang publiko sa posibleng paggamit og Artificial Intelligence o AI sa sunod-sunod nga cyberattacks batok sa sektor sa pinansya sa South Korea.
Kapin pito ka financial institutions, lakip ang dagkong bangko, ang nakasinati og paglusot sa seguridad sa datos sa ilang mga kustomer sulod sa usa ka semana.
Sumala sa Financial Services Commission, kapin 68 mil ka indibidwal ang naapektuhan sa maong mga pag-atake.
Gibutyag sa presidente nga mas nahimong sopistikado ug delikado ang cyberattacks tungod sa pag-uswag sa teknolohiya sa AI, nga mahimo nang gamiton bisan sa mga indibidwal nga walay espesyal nga kahibalo sa hacking.
Samtang, gilusad na sa kapulisan ang imbestigasyon aron matumbok ang mga responsable sa maong pag-atake.
Photo courtesy:Abusix
