Gihatagan og espesyal nga pag-ila ang Filipina tennis star nga si Alex Eala pinaagi sa mural nga gipintal sa iconic Tenement Basketball Court sa Taguig City.
Gipakita sa mural ang imahe ni Eala isip pagpasidungog sa iyang mga nakab-ot ug padayong pagdala sa ngalan sa Pilipinas sa international tennis.
Gipaambit ni photographer ug visual artist Mike Swift sa social media ang mga hulagway ug video sa bag-ong hitsura sa Tenement Court.
Ang pagpasidungog gihimo human nakab-ot ni Eala ang bag-o niyang career-high nga World No. 18 sa Women’s Tennis Association rankings, usa na usab ka dakong kalampusan sa iyang tennis career.
Photo Courtesy:Alex Eala Updates
