Gidakop sa mga awtoridad sa Sri Lanka ang 73-anyos nga si Shiranthi Rajapaksa, asawa ni kanhi Presidente Mahinda Rajapaksa, sulod sa iyang balay sa Colombo
Matud sa Commission to Investigate Allegations of Bribery or Corruption (CIABOC), nag-atubang si Rajapaksa og kasong korapsyon may kalabutan sa paglimbong sa gibana-banang 10 milyon nga rupees ($30,300) nga donasyon nga nakolekta sa iyang pundasyon nga Siriliya Saviya para sa positron emission tomography (PET) scanner alang sa Lady Ridgeway Hospital for Children.
Nadiskobrehan sa imbestigasyon nga nakadawat na diay og libreng scanner ang ospital gikan sa gobyerno sa China, apan nagpadayon gihapon ang pundasyon sa pagpangayo og pondo nga giingong gigamit sa ilegal nga pamaagi. Bisan pa man sa iyang pagpamakak sa mga alegasyon ug pagsumite og petisyon, nagpadayon gihapon ang legal nga proseso batok kaniya isip bahin sa kampanya sa Sri Lanka batok sa mga kaso sa korapsyon sa pamilyang Rajapaksa nga nidumala sa nasud sa hapit duha ka dekada
Photo courtesy: Shiranthi Rajapaksa Wikipedia
