Nagplano ang gobyerno sa estados Unidos nga i-revoke ang mga visa sa mga langyaw kinsa nisulod sa ilang nasud alang sa turismo og negosyo apan diay mas magdugay pa pinaagi sa pag-apply og asylum. Sumala pa nga usa kini sa mga lakang sa Trump administration pag-iban sa gidaghanon sa mga immigrant sa ilang nasud.
Sumala pa sa administrasyon, nga nakig-alayon na sila sa Department of Homeland Security aron mailhan ug marevoke ang mga visa sa mga personahe kinsa nagpakaaron ingnong nga mga mubisita lang sa America apan naninguha diay og asylum aron mahimong permanente nga makapuyo sa maong nasud.
Matod ni State Department spokesman Tommy Pigott nga usa ka pagpangilad ang pag-angkon og visa aron makakuha og asylum, hinungdan nga sukaranan kini aron marevoke ang visa.
Sa nasayran, sayo karong bulan niingong ang department nga sukad paglingkod og balik ni President Donald Trump sa Enero 2025, anaa na sa 175,000 ka mga langyaw ang gi-revoke ang ilang US visa tungod sa criminal offenses, lakip ang pagdrive nga nakainom, lakip ang pagdayi ug sa pagpatay sa right-wing activist nga si Charlie Kirk.
Photo courtesy: Spot.ph
