Atubangon sa Supreme Court En Banc ang kaso nga gisang-at sa lokal nga kagamhanan sa Iligan kalabot sa BM Marketing, nga gipanag-iya ni Edgar Tiu, sa kontrobersiya sa kontrata sa Palao Public Market.
Kahinomdoman nga ang pagdawat sa En Banc sa kaso nga adunay docket number G.R. No. 280197 nahitabo human kini i-refer sa Second Division niadtong Hulyo 28, 2026.
Sumala pa sa LGU-Iligan nga pinaagi niini, ang pagduso sa siyudad kalabot sa desisyon sa Construction Industry Arbitration Commission o CIAC pagahisgotan sa 15 ka mahistrado sa Korte Suprema.
Matud sa Commission on Audit o COA, 69.05 porsiyento lamang sa proyekto ang nahuman. Nahisgotan sa kaso ang desisyon sa CIAC nga mipabor sa BM Marketing human gitapos sa LGU ang kontrata niini sa proyekto. Padayon ang LGU-Iligan sa paghimo sa legal nga proseso samtang nagpaabot sa desisyon sa Korte Suprema kalabot sa maong panaglalis.
Photo Courtesy: Dreamstime
