Giila ang Iligan City prosecutor’s Office isip Best National Prosecution Office sa Region 10, diin nalabwan niini ang laing 13 ka prosecution offices sa rehiyon.
Dugang sa maong kalampusan, gihatagan usab og Distinguished Leadership Award for 2025 si City Prosecutor Atty. Abdul Gaffur M. H. Alonto, human nilabaw sa 14 ka head sa mga prosecution office sa Northern Mindanao.
Subay sa rekord sa opisina, nakab-ot niini ang 100 porsiyentong case disposition, compliance sa case aging ug timeliness, ingon man 97.21 porsiyentong prosecution success rate sa mga kaso nga gihusay sa korte ubos sa heavy caseload category.
Samtang, gipasidunggan usab ang Iligan City Justice Zone on OSAEC/CSAEM tungod sa pinakataas nga pag-uswag sa disposition rate taliwala sa mga Justice Zone sa nasud, gikan sa 59.6 porsiyento niadtong 2023 ngadto sa 70.2 porsiyento niadtong 2025.
Nagpamatuod kini nga pinaagi sa paningkamot ug maayong pagdumala sa opisina sa pagserbisyo sa katawhan ug pagpalig-on sa hustisya nakab-ot ang maong kalampusan.
Photo Courtesy: LGU-Iligan
