Kinahanglan palig-onon sa mga ginikanan ang relasyon niini ngadto sa ilang kabataan aron kalikayan ang mga insidente diin mahimong bayolente ang mga kabataan.
Kini ang panlantaw ni Marilou Gallarde, Chapter Executive Manager sa Philippine Mental Health Association–Cebu, kalabot sa nagkadaghang hulga ug mga pagpamusil sa mga tunghaan.
Matud ni Gallarde nga sa pagpalig-on sa relasyon sa ginikanan ug mga kabataan, mas masabtan niini ang ilang mga anak. Pagpaklaro ni Gallarde ang mga armas nga gigamit sa mga pagpamusil nagagikan sa panimalay ug dili sa mga tunghaan.
Tungod niini nanawagan usab si Gallarde sa mga hamtong nga nanag-iya og armas nga seguruhong dili kini dali nga makuha sa ilang mga kabataan aron dili magamit sa krimen.
Photo courtesy: Public Discourse
