Daling miresponde ang Emergency Medical Service (EMS) team sa Ipil Municipal Fire Station human makadawat og tawag gikan sa usa ka concerned citizen bahin sa vehicular accident kagabii sa Barangay Sanito, Ipil, Zamboanga Sibugay Ubos sa pagpangulo ni Municipal Fire Marshal FSInsp Atty. Herman I. Ting, CE, MPA, ang Shift B EMS personnel.
Pag-abot sa lugar nahitaboan nakaplagan ang biktima nga lalaki anaa sa hingkod ang panuigon nagahigda og nagkadugo gikan sa samad sa agtang ug daghang garas sa kalawasan. Daling gihimo sa responders ang initial medical assistance, aron makontrol ang pagdugo.
Daling gidala ang biktima pinaagi sa BFP ambulance ngadto sa Dr. George T. Hofer Medical Center sa Barangay Tenan, Ipil, alang sa dugang medikal nga eksaminasyon ug pagtambal.
Samtang padayon pa ang imbistigasyon sa kapulisan alang sa pagtino sa nahitabong aksidente.
